Аплицирањето за “Купи куќа, купи стан“ се продолжува

Рокот за аплицирање за проектот “Купи куќа, купи стан“ се продолжува за три месеци, заклучно со 31-ви мај, рече министерот за финансии Зоран Ставрески. Освен изградба на куќа или купување на стан, со овој проект, како што истакна министерот, ќе влезат и дограбите на семејните куќи.

Тој додаде дека на владината седница била донесена одлука да се скрати времетраењето за одлучување по поднесените кредитни барања, кои ќе се одобруваат на месечна основа. За оние граѓани кои ќе сакаат предвреме да го исплатат кредитот, тоа ќе може да го направат без да платат било какви пенали, но според Ставрески, ќе мора да ги вратат средствата кои во форма на субвенција дотогаш ги користеле од државата. Запрашан за тоа колку барања досега се поднесени, тој рече проектот бил на самиот почеток и прерано било да се зборува за тоа колку граѓани поднеле барање досега.

Подготвил: Милева Лазова