СОЕДИНЕТИ АМЕРИКАНСКИ ДРЖАВИ: ВООРУЖУВАЊЕ НА СИРИСКАТА ОПОЗИЦИЈА

Портпаролката на Стејт департментот, Викторија Нуланд, изјави дека САД ќе размислат и за други опции, покрај политичкиот притисок врз претседателот Башар ал Асад, нешто што според странските медиуми ја отвора можноста да биде дозволено вооружување на сириската опозиција.

Од друга страна, воените кругови сметаат дека во овој момент во Сирија не е јасно кој ја претставува опозицијата и дека оружјето би можело да заврши во рацете на Ал каеда.

Според руски медиуми, десет илјади Либијци се подготвуваат да влезат во Сирија за да им се приклучат на опозициските сили кои се борат против претседателот Башар ал Асад.

Вооружените Либијци се подготвуваат на тајна локација во Јордан, од каде што ќе ја започнат инвазијата врз Сирија, а финансирани се од Саудиска Арабија и Катар.

Подготвил: Игор Стојановски